شعر ترکی برای شهادت امام جواد علیه السلام
اشعار نوحه و مداحی های زیبا ترکی آذری درباره شهادت امام محمد تقی جواد الائمه علیه السلام
صل الله علیکَ یا ،مولانا ابن الرضا
صل الله علیکَ یا ،ابن النبی المصطفی
ای شاه ذَوِی الکَرم ، درگاهون باب رجا
بیچاره بیر عاشقم ، دردیمه ایله دوا
سن صاحب جود و سخا
من سائل لطف و عطا
من بنده ی روسیهم
سن عبد و حبیب خدا
مولامولاامام جواد
—
آغلور زهرا جنانیده دل داغلور اهل جنان
عاشقلر فغانیده جان ویردی شاه جوان
آه ای گردون روزگار سیرون گردابه باتوب
نوری ایتدون غمه دچار کامون گمراهه چاتوب
دنیا بو نفسدی فقط
بیر سایه دی سسدی فقط
دنیانی ویر ایستیینه
مولا بیزه بسدی فقط
مولا مولا امام جواد
—
دردانه ی رضا اولوب مسموم زهر جفا
چون لاله ی ولا سولوب دوتدی عالم آه و نوا
دریا دریا قان آغلارام زهرانون لاله سینه
ای دنیا!سینه داغلارام مولانون ناله سینه
قربان اولا جان آقاما
لب تشنه جوان آقاما
زهرون اثری ویرمور
بیر لحظه امان آقاما
مولا مولا امام جواد
—
چکدی تصویره ماتمون کرب و بلا غمینی
سالدی یاده سنون غمون لیلانون ماتمینی
اکبر لیلادن آیریلور لیلا آواره قالوب
لیلادن جان آیریلور الده یوخ چاره قالوب
بختیم قره اولدی بالا
دوشدوم نجه غملی حالا
الله نه اولار کی بالام
بیرگونده یانیمدا قالا
اکبر پورآقا
******
یاران قورولوب بزم عزا عرش خداده
آثار محن ظاهر اولوب ارض و سماده
مهدی آقامیز آغلیور ئوز جدی جواده
بوغمده گرک سینه سینی داغلیا شیعه
ذی القعدآیینون آخری بیز قاره گیینوک
گوزیاشی توکوب گرد غم و یاسه بورونوک
قسمت اولا گر قبری,یوزی اوسته سورونوک
بو غمده یانان سینه ی پر سوز رضادی
بو غمکدیه بانی غریب الغربادی
ای شیعه ی اثنا عشر ای ملت ایران
همت الیون حفظ اولونا عترت و قرآن
نعمتدی بیزیم مملکته شاه خراسان
بوگونده ولی قلبینی غم تیری بولوبدی
گوزیاشی توکون شاهیمیزون اوغلی ئولوبدی
هرکس که اولوبدور غمی دنیاده زیاده
اولسون متوسل بو گجه باب مراده
ویرسون قسم اول پادشهی اوغلی جواده
صدق دلیله کیم اولا بو بزمیده حاضر
البته وئرر حاجتینی اوغلونا خاطر
من بنده ی شرمنده ی خلاق جلیلم
بوشدور بو الیم سائلم و ابن سبیلم
بودرگهه بیرعمریدی منتله دخیلم
نه شاعرم و نوحه گر ونوحه سرایم
من عاشق شوریده سر ابن رضایم
گر حضرت جانان منه لطف ایلیه رخصت
مدحین یازارام دفتره در حد بضاعت
وار معتبر اخباریده مشهور روایت
من نظمه چکوم حظ ائده عشاق حسینی
ایلوبدی روایت بو سوزی شیخ کلینی
اولاد نبی عالم عالمدی مسلم
هر تک تکی اولموش بلی سر اللهه محرم
یحیادی دئین بوخبری زاده ی اکثم
بیرگون دیوری,زائریدیم قبر رسوله
مشغول طوافیدیم ئوزوم قبر رسوله
ناگاه گوزوم گوردی او دم ابن رضانی
مشغول طوافیدی او مصداق معانی
تاپدیم دیه سن دردیمه بالمره دوانی
روحیم پر آچوب باخجاقین اول صورت ماهه
گیتدیم قاباقا عرض سلام ائتدیم او شاهه
چوخ رأفتیلن ویردی جواب اول نبوی خو
عرض ایلدیم ای گلپسر ضامن آهو
ای عالم وارسته و حق بین و خداجو
وار نچه سوالیم وئره سن فوری جوابین
هر چندبیلوردوم او سوالات جوابین
القصه نچه مساله من ایلدیم عنوان
فی الفور جوابین بویوروب قویمادی نقصان
گوردوم ئوزومی مور او مولانی سلیمان
عرض ائتدیم آقا سنده اولان حکمته احسن
سن تک آقا, عالم بجرن نهضته احسن
ای معدن لطف وکرم و علم وفضیلت
فخر ایلیه جک سن کیمی مولایه شریعت
وارآیری سوالیم منه مانعدی خجالت
بو مساله ده ماتم و حیرانم ئوزومده
واللهی غرض یوخدی منیم صونکی سوزومده
لبخند ویروب ائتدی بیان اول شه حق بین
ای عالم گم کرده ره مذهب و آیین
ویرم دیمه میش مساله نین فوری جوابین
قویما اوره گونده قا لاچوخ درد و ملالون
یحیی بیلورم شرح امامتدی سوالون
حیرتده قالیب عرض ائلدیم ای شه خوبان
اللهه قسم حق و حقیقت بویورورسان
کیمدور دئ گوروم ایندی بیزه حجت دوران
حضرت بویوروب من نبوی خوی و مرامم
من حجت دورانم امام بن امامم
عرض ایلدیم ای سرور احرار زمانه
گورست منه بو مطلبه بیرعمده نشانه
ناگاه عصاسی آقانین گلدی بیانه
بومنظره واللهی منی حیرته سالدی
حیران ائلیوب قلبیدن آرامیمی آلدی
بو واقعه دن مطلبیم آخر اله گلدی
ظلمت قوتاریب مژده ی رحمت دله گلدی
موسای زمانین اوز عصاسی دیله گلدی
سس گلدی عصادن بوآقا شاه جهاندی
حجتدی بو دورانه شه عصر و زماندی
بیر شاه که ایلردی ملائک اونا خدمت
افسوس اونون قدرینی هچ بیلمدی امت
ئوز همسری ایلوبدی او مولایه خیانت
مسموم ائلدی زهر جفائیله جوادی
قان آغلا که قالدی آتاسیزحضرت هادی
زهریله الولاندی وجودی او امامین
جنتده آچوب باش باباسی حضرت یاسین
عرش اهلی ائدوب نوحه اولوب فاطمه غمگین
ئوز عورتینه ائتدی خطاب اول نبوی خو
آخر نفسیمدورئولورم وئر بیر ایچیم سو
بیر لحظه بلادن بیلوسن اولمادیم ایمن
آخر نفسیمدور یانورام سوز عطشدن
چوخ ناله ائدوب ابن رضا دوشدی نفسدن
سوگتدی کنیزون بیری فع عطش اتسون
مانع اولوب اول کینه روش قویمادی گتسون
گلزار بتوله گینه باد غم اسیلدی
بو غمده یانارشیعه اگرناب و اصیلدی
ناگاه جوادون سسی بالمره کسیلدی
آچدی قاپونی عورت بیرحم و جفاکار
گوردی که یوموب گوزلرینی سرور احرار
گوردی که دوشوب پیکری یوز اوسته ترابه
بو عورت بی عاطفه لایقدی عذابه
مینلرب ئله عورت اولا قربان او ربابه
اصغرآناسی همسریدی شاه زمانه
درس شرف و عشق ویروب خیل زنانه
یول سالدی اوگون قافله که وادی شامه
گوز آلتی باخوردی او خانیم رأس امامه
از بس اوتانوردی دیلی دونموردی کلامه
ظاهرده چوخ آغلوردی دیوردی بالام ایوای
خلوتده ائدوب نوحه دیوردی آقام ایوای
ای سرورعطشان سر و پیکرسنه قربان
نوزادی ئولن من کیمی مادرسنه قربان
ای روح بقا صود امراصغر سنه قزبان
من هچ دئمورم همسرووم یا که عزیرم
فخریم بودی درگاهووه منتله کنیزم
شادی جهان سنسیزحسین اولسون حرامیم
سنسن شرفیم,صاحبیم,اربابیم,امامیم
زینبدی منیم دهریده الگوی مرامیم
سندنصورا عمروم کچه جک غم سیاقیندا
عهدیم بودی سن تک من ئولم گون قاباقیندا
قورتارسوزی باخ ساعته شب نیمه دی(ناعم)
بو شعریله عقباده یقین بیمه دی(ناعم)
دلبسته نه جاه و حشم و سیمه دی(ناعم)
بو شعره برات ایستوری سلطان سخادن
بیرکرب وبلا اخذ ائلیه ابن رضادن
ناعم
***شعر ترکی شهادت امام جواد***
جواد آل پیغمبر اولوب مسموم جان وئردی
حسینین سو دیوب جان وئرماقین عینا نشان وئردی
اولوب مسموم جان وئردی
ز بس غم وئردی یوز چکدی همیشه ناله جانکاه
محاقه مایل اولدی چرخ عزتده اولان بیر ماه
چکوب طول مصائب رشته عمرین ایدوب کوتاه
جوان وقتینده جان اول شهریار انس و جان وئردی
ایرمی بش ایل عمرین ایلیوب اهل خبر مرقوم
بو آز عمریله اولدی اول شه دین لیک چوخ مظلوم
ایدوبلر عاقبت غربت ولایتده اونی مسموم
یانوب دلدن اونا هر لحظه یوز سوز نهان وئردی
خزانه تا بهارین صرصر بیدادی دوندردی
قضا گلچینی باغ عمرینین عشرت گلین دردی
سارالدی گلشن دینین عطشدن نو گل وردی
اونون باده صفاسین آفت باد خزان وئردی
اورکده سوز زهر کین , جمالینده ئولوم گردی
یانوب دلدن یره ئوز سینه سین حسرتله سورتردی
باخاردی صاق صولا گه گه او شاه دین سو ایستردی
دیدیقجا العطش جام جگر بیر کاسه قان وئردی
کنیزی گوردی بو حالی بیر اوزگه حالته قالدی
گیدوب بیر جام سو گتدی امامین گویلونی آلدی
سو جامین آلدی ام الفضل غیظیله یره چالدی
سوسوز ئولماقینه فتوا او بد عهد زمان وئردی
گوزی یولدا چکردی آه , بو عنوان مقتلدی
دیردی ای خدا حسرت اوخی بو سینه می دلدی
نه وار جان اوسته بیر همدم , نه بیر اوغلوم علی گلدی
سسیمه سس ئولن دمده , نه اول شیرین زبان وئردی
اولان ئوز عهدینه عشق عالمینده بند و وابسته
چکردی انتظارین اوغلونون جان اوسته دلخسته
سو جامی الده حاضر اولدی ئوز اوغلی باشی اوسته
آتائیله بالا دل دردینه شرح و بیان وئردی
آتادان گلدی آخر دم اوغول جویای حال اولدی
آتا گوردی جوانین سینه دن زایل ملال اولدی
حسینی جان وئرنده درک ایدن اما هلال اولدی
اورکدن اودلانوب احوالینه نی تک فغان وئردی
گوروب بیر زخمدار آهو کیمی دوشموش او دلخسته
چالور قان ایچره دست و پا , وورالار زخمی زخم اوسته
باخور حسرتله سویلور العطش آهسته آهسته
هلالین قلبینه رقّت بو اندوه گران وئردی
خیال ائتدی ئوزینه حق یولوندا آبرو وئرسین
گل مقصود زهرایه او چولده رنگ و بو وئرسین
او یالقیز بی کس و لب تشنیه جان اوسته سو وئرسین
نشان ئوز همتین گزلین مرام اوسته عیان وئردی
گیدوب سو گتدی سیراب ایلسین اول شاه عطشانی
گلنده گوردی یولدا شمر شوم و نامسلمانی
گوزی یاشلی , الینده قانلی خنجردن آخار قانی
دیدی گیتمه حسینه خنجریم آب روان وئردی
دیدی یوخسا بساط ظلم و کینه قورموسان ظالم
حسینی ئولدوروب زهرا گلین سولدورموسان ظالم
ندن بس اشگویله گوزلرین دولدورموسان ظالم
دوباره دانه اشکین توکوب رخساره سان وئردی
دیدی قان ائتمیشم دوزدور بو چولده قلب زهرانی
بو گون رحم ائتمیوب ئولدورمیشم معنای قرآنی
ولی بو ناله و فریادیمین وار اوزگه عنوانی
دولاندی قانیله دولموش چوخور بیر یر نشان وئردی
باخوب گوردی او یرده بیر اوجا قامت خانم عورت
دوتوبدور خیرداجا بیر قیز الیندن سینه ده حسرت
وورور باشسیز جنازه باشینه دوره او خوش فطرت
دیور قارداش سنون تک هانسی بیر مظلوم جان وئردی
باجون اولسون اورکده قالدی چوخ گزلین سوزون قارداش
دلینده العطش باخدی سویا حسرت گوزون قارداش
آتان ساقی کوثر, تشنه جان وئردون ئوزون قاراش
سنه قان سو یرینه تیغ تیز جانستان وئردی
عزادار حسین “فکری” ائدوب ترغیب اولوب بانی
چکوبدور نظمه “تائب” بو قضایای غم افزانی
نصیب ائت قبرینی یا رب دیاق اوردا بو عنوانی
جواد آل پیغمبر اولوب مسموم جان وئردی
تائب تبریزی
🔥 برای مشاهده سریع جدیدترین فال های امروز روی دکمه زیر کلیک فرمایید
