مجموعه کامل شعر و نوحه های ترکی شام غریبان امام حسین (ع)

1030

متن نوحه ترکی شام غریبان امام حسین

اشعار و مداحی های زیبای ترکی برای شام غریبان امام حسین علیه السلام

شعر و نوحه ترکی شام غریبان امام حسین (ع)
شعر و نوحه ترکی شام غریبان امام حسین (ع)

ای نصفی یانان خیمه عجب پر محن اولدون

بو غملی گیجه زینبه بیت الحزن اولدون

غم دوده سینه ظلمیله گوندوز بویانوبسان

قیزلار یانان اوتدا بیلورم سنده یانیبسان

تغییر ویروب رنگوه توستی قرالیبسان

یا قاره گییوب رنگووی بو رنگه سالیبسان

سن خیمه شه سن نیه بو حاله قالوبسان

یانمیش اتگون یوخدی بو محنت چاقی فرشون

آی نوری چراغوندی یرون تپراقی فرشون

برنامه سین اجرا ایلدی لشگر جانی

سالدی بو حالا کوفه نون اهلی اسرانی

باخدوقجا سنه قلبوون آرتور هیجانی

گوندوز کی کشاکش دایانور گون قاباقیندا

قلبیمی دوتوللار ایله بیل کوز قاباقیندا

صحن غمه بو وضعله محنتلی نماسن

غم مرکزی صورتده ولی خیمه سراسن

دلدن دوشن آهولره یا دام بلاسن

یا بلبل شوریدلره غملی قفس سن

سعد اوغلی سنی هر گجه ویرسه بیزه بس سن

کچمیش گجه سنده واریدی جاه و جلالت

دوتموشدی سنی پرتو انوار سعادت

قالخاردی گوگه زمزمه ذکر و عبادت

یاران حسین طیب و النفاسه نه گلدی

قران اوخیان اکبر و عباسه نه گلدی

اولدون بو گجه سن آتاسیز قیزلارا مإوا

آغوشوه نالان سیخیلوب عترت طاها

بیر گوشه ده کلثومیدی بیر گوشه ده لیلا

دل زورقینی بحر غمه غرق ایلیبسن

گور بیر گون ایچینده نقدر فرق ایلیبسن

صبحه کیمی باجادی اگر گوز یاشی آخسا

طوفان بلا قببه وه غم گردینی یاخسا

پروا ایدر هرکیمسه یوخوندان سنه باخسا

چوخ قورخولی بیر منظره وار بو گجه سنده

بو قورخولی قیزلار یاتاجاقدی نجه سنده

قیزلار متحییردی سالوب قورخی کمنده

گوزلر باخور هرچند رمق یوخدی بدنده

اوستوندن اگر سرعتیلن کچسه پرنده

بو نظم و سکوتی بیلورم سیندیراجاقدور

هولیله یاتان اولسادا یردن دوراجاقدور

واضحدی دگول قلبلر عادی ضرباندا

بیر حالدا بولار قاچدی چوله خیمه یاناندا

زینب چوخونی بیلمدی گیزلندی هایاندا

وحشت اوخی هر قلبه دیوب قهریله بولدی

چوللرده ایکی خیردا بالام قورخودان اولدی

بیلسم اسرا اتمییه جک بو گجه پروا

الان گیدرم مقتله بو لیل محابا

قارداشیمی گوررم ایدرم کشف قضایا

اوضاعی گزارش او شهه ویرممیشم من

نعشی سویولاندان صورا هچ گورممیشم من

خلوتدی داخی راه جفاده دوران اولماز

قلبیمی بو وقته بیلورم سیندیران اولماز

گوندوز ویران اولدی گجه اما ویران اولماز

بختیم منه یار اولسا حسینی گوروب ئوللم

قالسام دیری یا صبح آچیلاندان صورا گللم

زینب بو خیالاتیله سرگرمیدی گویا

معناده اگر وار یری گلسه دیله زهرا

بو دللریله سوز دیسه صدیقه کبری

زینب آنوون اولگیلان حالی هدفیندن

باشون صاق اولا اول حسینون طرفیندن

گوندوز سنی یوردی بالا طوفان مصیبت

شاهددی آنون قددویی اگدی غم ومحنت

دردیم سنه باخدوقجا منیم ایلدی شدت

ظلمیله سولان صحنه گلشنده واریدیم

هریرده قیزیم سن واریدون منده واریدیم

هر خدمت شایانوه حسن نظریم وار

مقتلده حسیندن سنه تازه خبریم وار

تازه خبریمده ولی رمز خطریم وار

دیدارینه گیتسون دیمورم حنجرین اوپمه

پردیله دییم قارداشوین اللرین اوپمه

فکریم قالوب اوچ یرده قزیم اولی گودال

دوم بو یانان خیمه سرا منزل اطفال

اوچ مینجی سین اما دئمورم بسدی بو منوال

آهیله آنون آغلاداجاق داغداشی اوردا

مهماندی جلالیله حسینون باشی اوردا

درد و غمیلن جام دلیم اولدی لبالب

سن ساخلا بو دلدن دوشن اطفالی مرتب

منده گیدورم اوغلوما خوش گلدینه زینب

گورسون که عدو کوفه ده مقصوده چاتوبدی

حتما بیلجکسن که حسین هاردا یاتوبدی

شاعر : مرحوم انور

******

شعر ترکی شام غریبان

قلم اوزاتما سوزی چیخما اصل مطلبدن

دانیش دوباره بیـزه بختی قاره زینبدن

او زینـب ایکی مقامیـنده عقـل حیراندی

جناب روح الامیــن درگـهـینـده دَرباندی

او زینـب ایکی جـلالـیـلـه ایلـینده ســفـر

گورن دئیردی ملکدور بو یـاکی انساندی

باخ ایندی گوربوگجه هاردادور همان زینب

گــیـدوب جـلالی الیندن اســیـر عُدواندی

قوروبدی بیریاری یانمیش چادردابزم عزا

حسینه نوحه دئیور دیلده ، دیده گریاندی

تمام سعی بودورکی یاتیردا قـیـزلارینی

بو قیـزلاریکی نـوامیـس شـاه عطشاندی

اسنده یِل یوخودان دسیکینور یاتان بالالار

اسور ئورکلری فکر ایلیوله طوفاندی

دوران قاچوب یاپیشور فوری زینبین اتگین

بیلورکی چون بوخانم سرپرست طفلاندی

بیری دئیور قُـوری یـرده یاتانمـورم عمّــه

گجه سویوق گونوز ایستی بونه بیاباندی

بیری دئیوریوزومه سیلی ویردی بیرآغیراَل

دیلیم دوتولدی گوزوم گورمدی یوزوم یاندی

بیری دئیورایاقیمدا تیکان قالوبدی بی بی

ایـلـه اذیـت ایدور گــوئیـا کـی پیکـاندی

شاعر : کربلایى بهزاد قاسمى

******

ساربان آتلار ایاقی داغدوب پیکریمی

باخ بیر الله اوتان کسمه منیم اللریمی

قانه دونوردیله بو چولده منیم ائلریمی

تشنه ئولدوردیله اوغلانلاریمی سر لشگریمی

اون ایکی ضربتله شمر کسنده باشیمی

اینجدوب هم منی هم زینب غم پروریمی

سویدولار پیکریمون رختنی بو قوم لعین

کهنه بیر کوینگیمه اتدی طمع لشگر کین

گور سالوبلا بئله بیر حاله مسلمان بدنین

یوخدی فرصت سنه تشریح ایلسم غملریمی

عرشی تترتمه اوتان شرم ائت آنام فاطمه دن

قانه دوندرمه،

منبع : matnenoheh.blogfa.com